வியாழன், 29 அக்டோபர், 2009

தீண்டாமைக் கொடுமையை தீ வைத்து கொளுத்துவோம்! தீண்டாமை ஒழிப்பு முன்னணி பேரணியில் என்.வரதராஜன் முழக்கம்

தீண்டாமைக் கொடுமையை தீவைத்து கொளுத்துவோம் என்று மார்க்சிஸ்ட் கம்யூனிஸ்ட் கட்சியின் மாநிலச் செயலா ளர் என்.வரதராஜன் கூறினார்.
தமிழ்நாடு தீண்டாமை ஒழிப்பு முன் னணி சார்பில் தலித்- பழங்குடி மக்களின் உரிமைப் பேரணி அக்டோபர் 27 அன்று சென்னையில் நடைபெற்றது. இப்பேரணி யின் நிறைவாக நடைபெற்ற பொதுக் கூட்டத்தில் அவர் பேசியது வருமாறு:
தமிழகத்தில் உள்ள 1.25கோடி தலித் மக்களின் பிரதிநிதிகளாக 10பேர் கொண்ட குழு முதலமைச்சரை சந்தித்து, அவர்கள் படும் துன்ப துயரத்தை எடுத்துரைத்தோம். சில வாக்குறுதிகளை கொடுத்தார்கள். அதனை நிறைவேற்ற வலியுறுத்திதான் இந்த பேரணி நடை பெற்றுள்ளது. 2007ம் ஆண்டு பேரணி நடத்தி மனு கொடுத்து, சட்டமன்றத்தில் எழுப்பிய பிறகு இடஒதுக்கீடு வந்தது. அதனை அமல்படுத்து என வலியுறுத்து வது ஜனநாயக கடமை.
தலித் மக்களுக்கு முடிவெட்ட மறுப்பு, துணி துவைத்து தர மறுப்பது, டீக்கடையில் இரட்டை டம்ளர் முறை நிலவுகிறது. சுடுகாடு கேட்டு போராடும் நிலை நீடிக்கிறது. சில மாதங்களுக்கு முன் னால் 23, 24, 25 வயது வாலிபர்கள் பாதாளச் சாக்கடையில் இறங்கி உயிரி ழந்துள்ளனர். இத்தகைய கொடுமையை தட்டிக்கேட்கத்தான் இந்த பேரணி நடைபெற்றுள்ளது.இன்றைக்கும் பேரூராட்சிகளில் மனித மலத்தை தலையில் சுமக்கும் கொடுமை உள்ளது. புதைப்பதையும், எரிப்பதையும் செய்யும் தலித் தவப் புதல்வர்களையும், வெள்ளை துணி விரித்து சிலர் போடும் சில்லரைகளை பொறுக்கி வாழ்க்கை நடத்துகிறவர் களின் துன்பங்களையும் போக்க வேண் டாமா? எரிக்கும் வேலையில் உள்ள இவர்களை மயான ஊழியர்களாக மாற்ற வேண்டாமா?
தமிழகம் முழுவதும் செப்டம்பர் 10 அன்று பல்வேறு இடங்களில் ஆலய நுழைவு போராட்டம் நடந்தது. அங்கெல் லாம் உயர் அதிகாரிகள் வரவில்லை. ஆனால், காங்கியனூரில் மட்டும் எஸ்பி வந்தது ஏன்? ஜனநாயகத்தை பாதுகாக்க போரா டிய எம்எல்ஏ-வை தாக்குவதற்கு அதி காரம் கொடுத்தது யார்?
தீண்டாமை ஒழிப்பு முன்னணியில் தொழிற்சங்கம், விவசாயிகள் சங்கம், வாலி பர், மாதர் சங்கம் உள்ளிட்ட பல்வேறு அமைப்புகள் இணைந்துள்ளன. ஜன நாயக சக்திகள் மெல்ல மெல்ல வளர்ந்து வருகின்றன; போராட்டங்கள் வலுக்கும்.
முதலமைச்சரை சந்தித்தபோது, சிலவற்றை செய்வதாக நயம்படக் கூறி னார். அது நடக்கட்டும். கொடுமைக்கு எதிராக ஆங்காங்கே ஒன்று கூடி ஜன நாயக குரல் எழுப்புங்கள். அதன் பின் னால் மார்க்சிஸ்ட் கட்சி நிற்கும். தீண் டாமைக் கொடுமையை தீவைத்து கொளுத்து வோம். இவ்வாறு அவர் கூறினார்.

பி.சம்பத்தீண்டாமை ஒழிப்பு முன்னணியின் அமைப்பாளர் பி.சம்பத் பேசியது வருமாறு:தமிழகத்தில் 10 மாநகராட்சிகளில் பாதாளச் சாக்கடை கழிவுகளை அகற்ற இயந்திரம் வாங்க அரசு உத்தரவிட்டுள் ளது பேரணிக்கு கிடைத்த வெற்றி. 40 நகராட்சிகளில் பாதாளச் சாக்கடை திட்டம் அமலாக்கப்பட்டுள்ளது. வேறு சில நகராட்சிகளிலும் பாதாளச் சாக் கடை அமைக்கப்பட உள்ளது. அங்கே யும் எந்திரங்களை வாங்க வேண்டும். தமிழகத்தில் எந்த மூலையிலும் பாதாள சாக்கடை சாவு நடைபெறாமல் தடுக்க வேண்டும்.தீண்டாமை ஒழிப்பு முன்னணியின் மகத்தான போராட்டத்தால் இன்று காலை (அக்.27) செட்டிப்புலத்தில் மக்கள் கோவிலில் சென்று வழிபட்டுள்ளனர். ஒடுக்கப்பட்ட மக்கள் ஒன்றுபட்டு எழுந்தால் எந்த கொம்பனாலும் வெற்றியை தடுக்க முடியாது.தலித் மக்கள் விடுதலை என்பது தலித் மக்களால் மட்டுமே சாத்தியம் என்பதை நாங்கள் ஏற்கவில்லை. தலித் மக்களுக்கான விடுதலை ஜனநாயக சக்திகளின் முயற்சியால் மட்டுமே சாத்தியமாகும்.கோரிக்கை மனுவை பெற்றுக் கொண்ட முதலமைச்சர், அதனை முழு வதுமாக படித்துவிட்டு, உங்கள் கோரிக் கைகள் எதையும் மறுக்கமாட்டேன். அனைத்தையும் பரிசீலித்து நடவ டிக்கை எடுக்கிறேன் என்று உறுதி அளித்துள்ளார். ஒவ்வொரு முறையும் மனு கொடுக்கும் போதும் நடவடிக்கை எடுப்பதாக முதலமைச்சர் கூறுகிறார். பொறுமைக்கும் அளவு உண்டு.தலித் மக்களுக்காகவே அவதாரம் எடுத்துள்ளேன் என்று பேசுகிறவர்கள் கூட, மக்கள் தொகைக்கு ஏற்ப இடஒதுக் கீட்டை அதிகப்படுத்த வேண்டும் என்று கேட்கவில்லை. மார்க்சிஸ்ட் கட்சி கேட்கிறது. தாழ்த்தப்பட்ட, பழங் குடியின மக்களின் சமூக- பொருளாதார நிலையை ஆய்வு செய்ய ஒரு ஆணை யத்தை தமிழக அரசு உருவாக்க வேண்டும்.கோரிக்கை மனுவும், மக்களின் உணர்வுகளும் மதிக்கப்படவில்லை எனில் கிராமம் கிராமமாக போராட் டம் வெடிக்கும். அதனால் ஏற்படும் விளைவுகளுக்கு அரசுதான் பொறுப் பேற்க வேண்டும்.இவ்வாறு அவர் கூறினார்.அ.சவுந்தரராசன்சிஐடியு மாநிலப் பொதுச் செயலா ளர் அ.சவுந்தரராசன் பேசுகையில், தமிழகத்தில் இடஒதுக்கீடு பற்றி பேசுகிறவர்கள் யாரும் நில ஒதுக்கீடு பற்றிப் பேசுவது இல்லை. ஏழைகள் அத்தனை பேருக்கும் நிலம் வேண்டு மென்று கேட்கிறோம். அரசாங்கத்தில், உள்ளாட்சிகளில் 600 ரூபாய் மாத ஊதியத்தில் துப்புரவுப் பணியாளர் களாக பணியாற்றும் அவல நிலைமை உள்ளது என்றார்.சமீபத்தில், உள்ளாட்சித்துறை அமைச்சரை சந்தித்தபோது, துப்பபுர வுப் பணியாளர்களுக்கு அரைகால் சட்டையை பேண்டாக மாற்ற கோரி னோம். பரிசீலிப்பதாக கூறியுள்ளார். 40ஆண்டுகளுக்கு முன்பு கட்டி தரப் பட்ட வீடுகளைக் கூட புதுப்பித்து தரா மல் உள்ளனர். தீண்டாமையையும், சுரண்டலையும், கொத்தடிமைத்தனத்தை யும் குழிதோண்டி புதைப்போம். அது வரை நமது போராட்டம் ஓயாது என் றும் அவர் கூறினார்.உ.வாசுகிஅனைத்திந்திய ஜனநாயக மாதர் சங்கத்தின் மாநில பொதுச் செயலாளர் உ.வாசுகி பேசுகையில், வன்கொடுமை தடுப்புச் சட்ட அமலாக்கம் குறித்து கண்காணிக்க 2008ம் ஆண்டு மாநில அளவில் அமைக்கப்பட்டுள்ள குழு, அமைக்கப்பட்டதிலிருந்து இதுவரை ஒரு முறைகூட கூடாத நிலைதான் உள்ளது என்றார்.காவேரி ராஜபுரத்தில் நீதிபதி பி.டி. தினகரன் ஆக்கிரமித்துள்ள நிலத்தை மீட்டு நிலமற்ற தலித் மக்களுக்கு கொடுக் காவிட்டால் நவம்பர் 9 அன்று நிலம் கையகப்படுத்தும் போராட்டத்தில் ஈடுபடுவோம் என்றும் அவர் கூறினார்.கே.பாலபாரதிசிபிஎம் சட்டமன்ற கட்சித் தலைவர் கே.பாலபாரதி பேசுகையில், காங்கிய னூரில் லதா எம்எல்ஏ உள்ளிட்ட தலை வர்களை தாக்கிய மாவட்ட கண்காணிப் பாளர் அமல்ராஜ் மீது வன்கொடுமை தடுப்பு சட்டத்தின் கீழ் நடவடிக்கை எடுக்க வேண்டும். பொய் வழக்கை திரும்பப் பெற வேண்டும். தாக்குதல் குறித்து விசா ரணை நடத்த வேண்டும் என்று சிபிஎம் எம்எல்ஏக்கள் உண்ணா விரதம் இருந்த பின்பும் நடவடிக்கை எடுக்காதது ஏன்? என்று கேள்வி எழுப்பினார்.தீண்டாமையை ஒழிக்க அரசு கொள்கை அளவில் முடிவெடுத்திருந் தாலும், நிர்வாகத்தில் உள்ள அதிகாரி கள் அதனை புரிந்து கொள்ளாமல் நடந்து கொள்கின்றனர். எனவேதான் அமல்ராஜை தற்காலிக பணிநீக்கம் செய்ய வேண்டும் என்று கூறுகிறோம். இத்தகைய போராட்டங்களில் எத்த கைய அடக்கு முறைகள் வந்தாலும் அதனை முறியடிப்போம் என்றார்.கு.ஜக்கையன்அருந்தமிழர் விடுதலை இயக்க மாநில அமைப்பாளர் கு.ஜக்கையன் பேசியது வருமாறு:பெரியாரும், அம்பேத்காரும் செய் ததை இன்றைக்கு மார்க்சிஸ்ட் கம்யூ னிஸ்ட் கட்சி செய்து கொண்டிருக்கிறது. சாதி ஆதிக்க சக்திகளுக்கு காவல்துறை ஊக்கம் கொடுத்துக் கொண்டிருக்கிறது. நமக்காக போராடுகிற கட்சி எம்எல்ஏ-வையே தாக்கி உள்ளார்கள். எம்எல்ஏ-வை தாக்கியவர்கள் மீது வன்கொடுமை தடுப்பு சட்டத்தின் கீழ் நடவடிக்கை எடுக்க வேண்டும். பல இடங்களில் வன்கொடுமை தடுப்புச் சட்டத்தை கட்டப் பஞ்சாயத்து செய்வதற்கு போலீ சார் பயன்படுத்துகின்றனர்.நடிகருக்கு மணிமண்டபம் கட்டும் தமிழக அரசு, வெள்ளையனை எதிர்த்து போரிட்டு உயிர்நீத்த ஒண்டிவீரனுக்கு மணிமண்டபம் அமைக்காமல் உள்ளது. இந்த பேரணி ஆட்சியாளர்களுக்கு நெருக்கடி கொடுத்துள்ளது.அடித்தால் அமைதியாக இருப்பது அடிமையின் குணம்; அடித்தால் எதிர்ப் பது அருந்ததியர் குணம்; எழுவோம்; வெற்றி பெறுவோம். இவ்வாறு அவர் கூறினார்.

புதன், 28 அக்டோபர், 2009

ஆலய நுழைவும் அரசியல் போராட்டம்தான் - மதுக்கூர் இராமலிங்கம்

“ஆலய அரசியலில், நுழைவு அவசி யமா?” என்ற தலைப்பில், இரா.சோமசுந் தரம், தினமணி நாளேட்டில், அக்டோபர் 27ல் கட்டுரை ஒன்றை எழுதியுள்ளார். எந்த ஆல யத்திலும் தலித்துக்கள் நுழையக் கூடாது என்று சொல்வதைப் போன்ற காட்டுமிராண் டித்தனம் வேறு எதுவும் இருக்க முடியாது என்ற பீடிகையோடு இந்த கட்டுரை துவங்கு கிறது. ஆகா, சமூகநீதிக்காக குரல்கொடுக் கிறார், சோமசுந்தரம் என்ற மகிழ்ச்சியோடு கட்டுரைக்குள் நுழைந்தால், அன்றைக்கு பிரிட்டிஷ் ஆட்சியின்போது ஆலய நுழை வுப் போராட்டம் நடத்தியது சரிதான், இன் றைக்கு அரசு நம்முடையது; இந்து அறநிலை யத்துறை கோயில்களில் தலித்துக்கள் நுழை யத் தடை எதுவும் இல்லை; இந்நிலையில், தனியார் அல்லது ஒரு சமூகத்திற்கு சொந்த மான கோயில்களில், தலித்துக்களை அனு மதிக்காததற்காக கம்யூனிஸ்டுகள் போரா டுவது, சரிதானா; இது, அரசியல் சாயம் பூசப்பட்டது அல்லவா? என்று அடுக்கிக் கொண்டே சென்று, தனியார் அல்லது ஆதிக்க சமூகத்தினரால் நடத்தப்படும் கோயில்களில், தலித்துக்களை அனுமதிக்கா ததை நியாயப்படுத்துகிறார், கட்டுரையாளர். இதைத்தான் பாவேந்தர் பாரதிதாசன், “அழ காக முடிச்சவிழ்த்தால் விடுவார் உண்டோ” என்பார்.
தனியார் நிறுவனங்கள் போல, தனியார் கோயில்களும் இருக்கலாம் போலிருக்கிறது. அத்தகைய கோயில்களில், சாதியின் பெய ரால், ஒருபகுதி மக்கள் இழிவுசெய்யப்பட் டால் அதை யாரும் கேள்வி கேட்கக் கூடாது, என்பது சோமசுந்தரத்தின் வாதம். அப்படி பிரச்சனை இருந்தால், அரசு மற்றும் காவல்துறையிடம் புகார் செய்து, நடவடிக்கை எடுக்கலாம் அல்லவா? என்று ரொம்பவும் நல்லவர் போல கேள்வி எழுப்புகிறார், இவர்.
காங்கியனூரிலோ அல்லது செட்டிப்புலத் திலோ, எடுத்தவுடனேயே தீண்டாமை ஒழிப்பு முன்னணி போராட்டம் நடத்தவில்லை. அரசு அலுவலகங்களின் கதவுகளை பலமுறை தட்டி பலன் கிடைக்காத நிலையிலேயே, அரசின் கவனத்தை ஈர்க்க கோயில் கதவுகள் நேரடியாக தட்டப்பட்டன.
காங்கியனூர் திரௌபதியம்மன் கோயி லில் தீமிதி விழாவின் போது தலித்துக்கள் யாரும் நுழையக்கூடாது என்று ஒலிபெருக்கி யிலேயே பகிரங்கமாக அறிவிக்கப்படும்; ஒலி பெருக்கிக்கும் அதை அறிவிப்பவருக்கும் சேர்த்தே காவல்துறை பாதுகாப்பு தரும். தீண் டாமையை எந்த வகையிலேனும் கடைப் பிடிப்பது, கிரிமினல் குற்றம் என்கிறது, அரசி யல் சாசனம். ஆனால், அதை மீறுபவர் களுக்கு, காவல்துறை பாதுகாப்பு தரும் நிலை.
உடல் முழுவதும் காணப்பட்ட புண் குண மாகி விட்டதாம். தற்போது சிறுபுண் மட்டுமே உள்ளதாம். அதற்கு மருத்துவ சிகிச்சை செய்யாமல், அதை ஆவேசமாக சொறிந்து புண்ணாக்குவது சரிதானா, என்று இவர் கேட்கிறார். இவர், எந்த உலகத்தில் வாழ் கிறார் என்று தெரியவில்லை. இன்னமும் கூட தமிழகத்தில் 7 ஆயிரத்திற்கும் மேற் பட்ட கிராமங்களில், பொது கிளாசில் டீ குடிக்க தடை; செருப்பு போட்டு நடக்கத் தடை; சைக்கிளில் செல்லத் தடை; தோளில் துண்டு அணியத் தடை; இவ்வளவு ஏன், பொதுக்கழிப்பறையை பயன்படுத்தக் கூட தடை; தலித் மக்கள் ஆண்நாய் வளர்க்கத் தடை என தீண்டாமைக் கொடுமை தலை விரித்து ஆடுகிறது. இவையெல்லாம் சிறு புண்ணாகத் தெரிகிறது இவருக்கு. ஆனால், சமூகத்தையே அரித்துத் திண்ணும் புற்றுநோ யாக தெரிகிறது கம்யூனிஸ்டுகளுக்கு! இத னால்தான் அரசிடம் சொல்லி நடக்காத இடங்களில் ஆலய நுழைவுப் போராட்டம் போன்றவற்றை கம்யூனிஸ்டுகள் நடத்து கிறார்கள். இது அரசியல் சாயம் என்றால், இதை இன்னும் அழுத்தமாக்கவே, அவர்கள் விரும்புகிறார்கள்.
செட்டிப்புலம், காங்கியனூரில் அமைதி குலைந்திருப்பதாக, கட்டுரையாளர் கவலைப் படுகிறார். சாதி ஆதிக்க வெறியால் செயற் கையாக ஏற்படுத்தப்பட்டு இருக்கும் மயான அமைதியை கலைப்பதே நல்லது. இப்படி கலைத்ததால்தான் செட்டிப்புலத்தில் மாவட்ட ஆட்சியர் தலைமையில், தலித்துக்கள் ஆல யப் நுழைவு செய்ய முடிந்திருக்கிறது. காங் கியனூரிலும் அரசை அசைக்க முடிந்திருக் கிறது.
பாப்பாபட்டி, கீரிப்பட்டி, நாட்டார்மங்கலத் தில் தலித் தலைவர்களை பதவியேற்கச் செய்ததிலும், உத்தப்புரம் சாதிச்சுவரின் ஒருபகுதியைத் தகர்த்ததிலும், பந்தப்புளி, கல் கேரி உள்பட பல்வேறு கோயில்களில் தலித் துக்கள் நுழைய முடிந்ததிலும், கம்யூனிஸ்டு களின் “அமைதிக் குலைப்பு” முக்கியப் பங்கு வகித்துள்ளது.
போராட்டங்கள் நடத்த, தமிழகத்தில் பிரச் சனைகளா, இல்லை...? என்று கேட்டுவிட்டு, தனியார் பள்ளி- கல்லூரிகளில் நடைபெறும் அநியாய கல்விக் கட்டணத்திற்கு எதிராக போராடி ரத்தம் சிந்தக் கூடாதா? என்று கட் டுரையாளர் கேட்கிறார். சில மாதங்களுக்கு முன்பு, சட்டமன்றக் கூட்டத்தொடர் நடந்து கொண்டிருக்கும் போதே, இந்திய மாணவர் சங்கத்தினர், தனியார் கல்வி நிறுவனங்க ளின் கட்டணக் கொள்ளைக்கு எதிராகவும், சமச்சீர் கல்விக்காகவும் போராடி ரத்தம் சிந் தியபோது, சோமசுந்தரம் கையெடுத்துத் தொழுதிருக்க வேண்டாம்; மாணவர்களை ஆதரித்து ஒரு கட்டுரையாவது எழுதியிருக் கலாமே!
உணவுக்காகப் போராடினால் கம்யூனிஸ் டுகளை தமிழகம் கையெடுத்து தொழுமே... என்று கூறியுள்ளார். சென்னையில் உணவுப் பாதுகாப்பிற்காக இடதுசாரிகள் இணைந்து கருத்தரங்கம் நடத்தினார்கள். நவம்பர் 17ல் சிறைநிரப்பும் போராட்டத்தையும் நடத்த உள்ளனர். இதில் சோமசுந்தரம் முதல் ஆளாக நின்று பங்கேற்பார் என எதிர்பார்க்கலாம்.
அரசு ஊழியர் சங்கத்தில் உள்ள தங்கள் தோழர்களை, மக்கள் நலப்பணிகளில் ஈடு படுத்தலாமே என்றும் கூறுகிறார். இடதுசாரி மனோபாவம் கொண்ட அரசு ஊழியர்கள், இரத்ததானம்; ஏழை- எளிய மாணவர்கள் போட்டித் தேர்வுகளில் பங்கேற்க இலவசப் பயிற்சி என பல்வேறு வழிகளில் மக்கள் நலப்பணிகளில் ஈடுபட்டுக் கொண்டுதான் இருக்கிறார்கள். தங்களின் பணியிடங்களில் மக்கள் நலனை பாதுகாப்பதில் அவர்கள் முன்னிற்கிறார்கள்.
ஆலய நுழைவுப் போராட்டம் நடத்துவ தால், தலித்துக்களின் வாக்கு கம்யூனிஸ்டு களுக்கு கிடைக்காது என்று கடைசியாக சாபமிட்டுள்ளார், கட்டுரையாளர். இது வாக்குகளைக் குறிவைத்து நடத்தப்படும் இயக்கமல்ல; எதிர்காலப் போக்கு சமத்துவ சமுதாயத்தை நோக்கி இருக்க வேண்டும் என்பதற்காக நடத்தப்படும் இயக்கம்.
மார்க்சிஸ்ட் கட்சி போன்று பிறகட்சி களும் ஏன் சமூகநீதிக்காகப் போராடவில் லை என்று சோமசுந்தரத்தின் எழுதுகோல் கேட்டிருந்தால் அதில் ஒரு நியாயம் இருந்திருக்கும். தீண்டாமையை கடைப்பிடிப் பவர்களிடமிருந்து, வாக்குகள் கிடைக்காது என்று பல கட்சிகள் இந்த பிரச்சனைக்குள் நுழைவதே இல்லை என்பதுதான் உண்மை.
மதம் ஒரு அபின் அல்லவா.. என்று கேட்டு முடித்திருக்கிறார். மாமேதை மார்க்ஸ் சொல்வதை, முன்னும் பின்னும் கத்தரித்து விட்டு, பலரும் பயன்படுத்துவதைப் போலவே, இவரும் கூறியிருக்கிறார். மதம் அடக்கப்பட் டவர்களின் பெருமூச்சு என்றும் மார்க்ஸ் கூறியிருக்கிறார். எல்லோருக்கும் பொது வானது என்று கதைக்கப்படும் கோயிலுக்குள் நுழைய முடியாமல் உழைக்கும் மக்கள் பெரு மூச்சு விடும்போது, அதை புயலாக மாற்று வதே கம்யூனிஸ்டுகளின் அரசியல் பணி.

தலித்-பழங்குடியினருக்கு மாநில ஆணையம்! முதல்வரிடம் தீண்டாமை ஒழிப்பு முன்னணி கோரிக்கை




தமிழ்நாடு தீண்டாமை ஒழிப்பு முன்னணி சார்பாக அக்டோபர் 27ந்தேதி தலித் - பழங்குடி மக்களின் உரிமைப் பேரணி சென்னையில் நடைபெற்றது.


தீண்டாமை ஒழிப்பு முன்னணி சார்பில் முதலமைச்சரிடம் தரப்பட்ட கோரிக்கை மனு விபரம் வருமாறு:-


நாடு விடுதலையடைந்து 62 ஆண்டு களைக் கடந்த பின்பும் ஆயிரக்கணக் கான கிராமங்களில் தீண்டாமைக் கொடு மைகள் நீடித்து வருகின்றன. அரசியல் சாசனப்படி தீண்டாமை சட்டப்பூர்வமாக ஒழிக்கப்பட்டுவிட்டது. இதனை மீறி சாதிய சக்திகள் தீண்டாமையைக் கடைப்பிடித்தால், அவர்கள் மீது கடுமை யான நடவடிக்கைகளை மேற்கொள்ள குடியுரிமைப் பாதுகாப்புச் சட்டம், வன் கொடுமைத் தடுப்புச் சட்டம் போன்ற சட்டங்கள் அமலில் இருந்தும் தீண்டா மை மற்றும் வன்கொடுமைகள் அன்றாட நிகழ்வாக இருப்பது மிகவும் வேதனை யளிக்கும் நிலையாகும். அரசு நிர்வாகம் மற்றும் காவல்துறையின் செயல்பாடு களில் உள்ள குறைபாடுகளும் இதற்குப் பிரதான காரணம் என்பது துரதிருஷ்ட வசமானது.


கடந்த செப்டம்பர் 30ம் நாள் அமரர் பி. சீனிவாசராவ் நினைவு தினத்தன்று தமிழ்நாடு தீண்டாமை ஒழிப்பு முன் னணியின் சார்பில் தலித் மக்களை ஆல யத்திற்கு அழைத்துச் சென்ற போது பிரச்சனைக்கு சட்டப்பூர்வமான தீர்வு ஏற்படுத்தாமல் விழுப்புரம் மாவட்ட காவல்துறையினர் தடியடித் தாக்குதலை நடத்தியதையும், இச்சம்பவத்தில் குடி யாத்தம் சட்டமன்ற உறுப்பினர் ஜி. லதா கடுமையாகத் தாக்கப்பட்டு பாதிக்கப்பட் டதையும், விவசாயிகள் சங்க மாநில பொதுச் செயலாளர் கே. பாலகிருஷ்ணன், விழுப் புரம் மாவட்ட சிபிஐ(எம்) செயலாளர் ஜி. ஆனந்தன் உள்பட 103 பேர் மீது வழக்குத் தொடர்ந்து கைது செய்யப்பட்டு கடலூர் சிறையில் அடைக்கப்பட்டதையும் தங்கள் கவனத்திற்கு கொண்டு வருகி றோம்.


இதன் பிறகு 7.10.2009ல் காங்கி யனூர் தலித் மக்களில் ஒரு பகுதியினரை ஆர்.டி.ஓ. தலைமையில் காவல்துறையி னர் ஆலயத்திற்கு அழைத்துச் சென்றுள் ளனர். இது வரவேற்கத்தக்கது என்றாலும் இதே நிலையை 30.09.2009ல் காவல் துறையினர் ஏன் எடுக்கவில்லை எனத் தெரியவில்லை.


அதைப்போல நாகை மாவட்டம் செட்டிப்புலத்தில் செப்டம்பர் 30ல் தலித் மக்களையும் தலைவர்களையும் ஆலயத் திற்குச் செல்ல காவல்துறையினர் அனு மதிக்காமல் கோவிலுக்கு சீல் வைத் தனர். பிறகு 14.10.2009ல் டி.ஆர்.ஓ.வும் காவல்துறையினரும் தலைமையேற்று தலித் மக்களை போலீஸ் வேனில் ஆல யத்திற்கு அழைத்துச் சென்ற போது சாதிய சக்திகள் வழிமறித்துத் தாக்கியுள் ளனர்.


தலித்-பழங்குடி மக்களின் சமூக, பொருளாதார நிலையில் மாற்றம் காண இவர்களுக்கு கல்வி, வேலைவாய்ப்பில் இட ஒதுக்கீடு, பட்ஜெட்டில் தலித் - பழங் குடி உபதிட்டங்கள், நிலம் வழங்குவது, தொகுப்பு வீடுகள் கட்டித் தருவது, வீட்டு மனைப் பட்டாக்கள் வழங்குவது போன்ற சட்ட திட்டங்கள் இருந்தும் இவை முழு மையாகவும் முறையாகவும் அமலாகாத தால் குறிப்பிடத்தக்க முன்னேற்றம் ஏற் படவில்லை. இது ஏமாற்றமளிக்கக் கூடிய நிலையாகும்.


இதுபோக தலித் மற்றும் இதர சில பிரிவினரைச் சார்ந்த தொழிலாளர்களைப் பாதாளச் சாக் கடைக்குள் இறக்கி அடைப்புகளை அகற்ற வைப்பது, மனிதக் கழிவை மனிதர்களைக் கொண்டே அப்புறப்படுத்த வைப்பது போன்ற இழி தொழில்களில் ஈடுபடுத்துவது தொடர்கிறது. இத்தகைய இழிதொழில்களிலிருந்து முற்றிலுமாக இம்மக்களை விடுவித்து, அதற்குப் பதிலாக இயந்திரங்களையும், நவீன முறைகளையும் அமல்படுத்தி மனித மாண்பைக் காக்க உரிய நடவடிக்கைகள் மேற்கொள்ளப்பட சட்டங்களும், நீதிமன் றத் தீர்ப்புகளும் உண்டு. இது தொடர்பாக சென்னை மாநகராட் சியில் பாதாளச் சாக்கடை அடைப்பு நீக்கு வதற்கான இயந்திரங்கள் வாங்குவதற் கான நடவடிக்கைகள் மேற்கொள்ளப்படு வதும், மற்ற மாநகராட்சிகளுக்கும் இந்நட வடிக்கை நீடிக்கப்பட்டு மாநகராட்சியில் சாக்கடை அடைப்புகளை நீக்க மனிதர் களை ஈடுபடுத்தும் அவலநிலை அகற் றப்படுவது ஒரு நல்ல தொடக்கமே. மாநக ராட்சிகளில் மட்டுமல்ல பல நகராட்சி களிலும் பாதாளச் சாக்கடைத் திட்டங் கள் அமல்படுத்தப்படுவதால் அங்கும் இத்தகைய நவீன இயந்திரங்கள் வாங்கப் படுவதற்கும் இந்த அவலநிலை போக்கப் படுவதற்கும் முன்னுரிமை தருமாறு கேட்டுக் கொள்கிறோம்.


நாடாளுமன்றத் தில் நிறைவேற்றப்பட்டுள்ள வனஉரி மைப் பாதுகாப்புச் சட்டம், தமிழ்நாட்டில் உரிய முறையில் அமலாக்கப்படாத நிலை உள்ளது.


2007 ஜூன் மாதம் சிபிஐ (எம்) மற்றும் அருந்ததியர் அமைப்புகள் நடத்திய அருந்ததியர் பேரணியையொட்டி தமிழக அரசு ஏற்றுக்கொண்டபடி 3 சத உள் ஒதுக்கீடு அருந்ததியர் மக்களுக்கு அறி விக்கப்பட்டு அமலாகி வருவது வரவேற் கத்தக்கது. இருப்பினும் சில அருந்ததியர் பிரிவினர் உள் ஒதுக்கீட்டிற்குள் கொண்டு வரப்படாமல் விடுபட்டிருப்பதையும் அவர்களையும் உள்ஒதுக்கீட்டிற்குள் கொண்டு வந்து அதன் அளவை உயர்த்த வேண்டிய தேவை இருப்பதையும் தங்கள் கவனத்திற்குக் கொண்டு வந்துள்ளோம்.


இப்பின்னணியில், கீழ்க்கண்டக் கோரிக்கைகளை தங்கள் கவனத்திற்குக் கொண்டு வருகிறோம்.


1. தலித் மக்களுக்கான கல்வி- வேலை வாய்ப்பிற்கான இட ஒதுக்கீட்டை சட்டப்பூர்வமாகவும், அவர்களின் மக்கள் தொகைக்கு ஏற்பவும் 18 சதவிகிதத்தி லிருந்து 19 சதவிகிதமாக உயர்த்த வேண்டும்.


2. தமிழ்நாட்டில் தலித், பழங்குடி மக் களின் சமூக, பொருளாதார நிலைமை களை ஒரு குறிப்பிட்ட காலவரையறைக் குள் ஆய்வு செய்து உரிய முடிவுகளை மேற்கொள்வதற்கு உயர்நீதிமன்ற நீதிபதி தலைமையில் தமிழ்நாடு அரசு ஒரு ஆணையத்தை அமைக்குமாறும், இந்த ஆணையம் தலித்-பழங்குடி மக்களின் பிரச்சனைகளில் தொடர்ந்து தலையிடும் வகையில் இதற்கு சட்டப்பூர்வமான அந்தஸ்தும், அதிகாரமும் அளிக்குமாறும் கேட்டுக் கொள்கிறோம்.


3. மனித மாண்பைக் காக்கும் வகை யில் பாதாளச் சாக்கடை அடைப்புகளை அகற்றுவதற்கு தொழிலாளர்களை அத னுள் இறக்குவதை தடை செய்து தமிழக அரசு உடனடியாக உத்திரவிட வேண்டும்.


4. மனிதக்கழிவை அகற்றுவதற் கான பணியில் மனிதர்களைப் பயன் படுத்துவதை முற்றிலுமாகக் கைவிட வேண்டும். இங்கும் நவீன முறைகள் அம லாவதை தமிழ்நாடு அரசு உத்திரவாதம் செய்ய வேண்டும். இப்பணியில் ஈடுபட்டு வரும் தொழிலாளர்களுக்கு மாற்றுப் பணி வழங்க வேண்டும்.


5. தமிழ்நாடு அரசு ஏற்கனவே ஏற்றுக் கொண்டபடி வெட்டியான்களை மயான உதவியாளர்கள் எனப் பெயர்மாற்றம் செய்து, உள்ளாட்சி ஊழியர்களாக நிய மனம் செய்ய வேண்டும்.


6. தமிழ்நாடு அரசு ஏற்றுக்கொண்ட படி விடுதலைப் போராளி ஒண்டி வீரனுக்கு நினைவு மண்டபம் எழுப்ப வேண்டும்.


7. தலித் - பழங்குடி மக்களுக்கான பின்னடைவு பதவி இடங்கள் தமிழ்நாட் டில் பல்லாயிரக்கணக்கில் காலியாக உள்ளன. இவற்றை தாமதமின்றி தமிழ் நாடு அரசு நிரப்ப வேண்டும்.


8. தலித் - பழங்குடி மக்களுக்கான உபதிட்டத்திற்கு அவர்களின் மக்கள் தொகைக்கேற்ப துறைவாரியாக நிதி ஒதுக்குவதையும், அவ்வாறு ஒதுக்கப்ப டும் நிதியை முழுமையாக அம்மக்களின் மேம்பாட்டிற்குச் செலவிடுவதையும் தமிழ்நாடு அரசு உத்திரவாதம் செய்ய வேண்டும்.


9. தலித் மக்களுக்கு மேலும் அதிக மான தொகுப்பு வீடுகள் கட்டித்தர வேண் டும். பழுதடைந்துள்ள தொகுப்பு வீடு களை பழுது நீக்கித் தர வேண்டும்.


10. தலித் மக்களுக்கு முன்னுரிமைய ளித்து நிலம் வழங்க வேண்டும். கணிச மான தலித் மக்கள் நிலம் இல்லாமல் கூலி உழைப்பாளிகளாக இருப்பதாலும், சாதி இந்துக்களின் நிலத்தில் வேலை செய்து அன்றாட வாழ்க்கை நடத்த வேண் டியிருப்பதாலும், விழிப்புணர்வோடு தங்களது சமூக உரிமைகளை நிலைநாட் டுவதில் பிரச்சனை உள்ளது என்பதைக் கணக்கில் எடுத்து, அரசு இப்பணிக்கு முக்கியத்துவம் தர வேண்டும். பஞ்சமி நிலங்களை மீட்டு தலித் மக்களுக்கு வழங்க வேண்டும்.


11. மத்திய வனவுரிமைச் சட்டத்தை முழுமையாக அமல்படுத்த வேண்டும். பழங்குடி மக்களின் நில உரிமையைப் பாதுகாக்க வேண்டும்.


12. தமிழ்நாட்டின் பல்லாயிரம் கிரா மங்களில் நிலவும் தீண்டாமைக் கொடு மைகளுக்கு முடிவு கட்ட வேண்டும். தமிழ்நாடு அரசு இதற்காக பலமுனை செயல்திட்டத்தை உருவாக்க வேண்டும். ஆலயங்கள் மற்றும் வழிபாட்டுத் தலங் களில் தலித் மக்களுக்கு சம உரிமையை அரசு உடனடியாக உத்தரவாதம் செய்ய வேண்டும்.


13. வன்கொடுமைத் தடுப்புச் சட்டம், குடியுரிமைப் பாதுகாப்புச் சட்டங்களை உறுதியுடன் அமல்படுத்த வேண்டும். இதனை அமல்படுத்துவதில் காவல் துறை மற்றும் வருவாய்த்துறை மத்தியில் காணப்படும் குறைபாடுகளைக் களைய வேண்டும். இச்சட்டம் சரிவர அமலா வதை ஏற்கனவே வலியுறுத்தியபடி தீண் டாமை ஒழிப்புக் குழுக்கள் அமைத்து கண்காணிக்க வேண்டும்.


14. விழுப்புரம் மாவட்டம், காங்கியனூ ரில் சட்டமன்ற உறுப்பினர் ஜி. லதா உள் பட தலித் மக்கள் மீது காவல்துறை தாக்கு தல் மற்றும் கைது நடவடிக்கைகள் பற்றி நீதி விசாரணை நடத்துமாறும் இதற்குக் காரணமான காவல்துறை மாவட்டக் கண்காணிப்பாளர் மற்றும் இதர அதிகாரி கள் மீது உரிய நடவடிக்கை மேற்கொள் ளுமாறும் தலித் மக்கள் மீது போடப்பட் டுள்ள வழக்குகளை திரும்பப் பெறுமாறும் கேட்டுக் கொள்கிறோம். நாகை மாவட் டம், செட்டிப்புலத்தில் தலித் மக்கள் மற் றும் ஆர்.டி.ஓ., காவல்துறையினர் மீது தாக் குதல் நடத்திய வன்முறையாளர்கள் அனைவரையும் வன்கொடுமைத் தடுப் புச் சட்டத்தின் கீழ் கைது செய்யுமாறும், தலித் மக்களின் ஆலய நுழைவை உத் திரவாதம் செய்யுமாறும் கேட்டுக் கொள் கிறோம்.

செட்டிப்புலத்தில் தலித் மக்கள் ஆலயப்பிரவேசம்


செட்டிப்புலம் சிவன் கோயிலில், செவ்வாய்க்கிழமை காலை 10.45 மணிக்கு, நாகை மாவட்ட ஆட்சியர், ச.முனியநாதன் தலைமையில், தலித் மக்கள் பெண்கள் 60, ஆண்கள் 30 பேர்ஆலயப்பிரவேசம் செய்து வழிபாடு செய்தனர்.இந்த நிகழ்வின் போதுநாகை மாவட்ட எஸ்.பி.மகேஸ்வர் தயாள், திருவாரூர் எஸ்.பி. பிரவீன் குமார் அபிநபு மாவட்ட வருவாய் அலுவலர் ஆ.அண்ணாதுரை, நாகை கோட்டாட்சியர் சி.ராஜேந்திரன், நாகை டிஎஸ்பி டி.கே.நடராஜன், வேதாரண்யம் டிஎஸ்பி சந்திரசேகரன் மற்றும் காவல் ஆய்வாளர்கள், துணை ஆய்வாளர்கள், ஏராளமான காவலர்கள் பாதுகாப்புப்பணியில் ஈடுபட்டனர்.மாவட்ட ஆட்சியர் தலைமையில் தலித் மக்களுடன் அதிகாரிகளும் கோவிலின் உள்ளே சென்றபோது, ஊராட்சி ஒன்றியத் துணைத்தலைவர் சிவப்பிரகாசம், முன்னாள் ஊராட்சி மன்றத்தலைவர் ம.சந்தோசம், கோயில் நிர்வாகி ரெத்தினசாமி, அதிமுக விவசாய அணித்தலைவர் ராமமூர்த்தி, ஆசிரியர் ஆர்.நாக்யன், பிர்கா சர்வேயர் டி.சுப்பிரமணியன் ஆகியோர் அனைவரையும் வரவேற்றனர். செட்டிப்புலம் ஊராட்சி மன்றத் தலைவர் மணிமாறனும் வந்து கலந்து கொண்டார்.தலித் மக்கள் கொண்டுவந்த தேங்காய், வாழைப்பழம், பூ ஆகியவற்றைக் கோயில் குருக்கள் பெற்று அர்ச்னை செய்து அனைவருக்கும் திருநீறு அளித்தார். தலித் மக்கள் மன மகிழ்வோடு வழிபாடு செய்தனர். செட்டிப்புலம் காமாட்சியம்மன் உடனுறை ஏகாம்பரேஸ்வர் என்னும் சிவனகோவில் கட்டப்பட்டதிலிருந்து கடந்த 70 ஆண்டுகளாக தலித் மக்கள் கோயிலுக்குள் அனுமதிக்கப்பட்டதில்லை. மார்க்சிஸ்ட் கம்யூனிஸ்ட் கட்சியின் தொடர் போராட்டங்களால் தற்போது தலித் மக்கள் ஆலய நுழைவும் வழிபாடும் நடந்துள்ளது.ஆட்சியர் உறுதிஇதனைத்தொடர்ந்து சில தலித் இளைஞர்கள் கூறியதாவது, கலவரக்காரர்கள் ஊரில் இல்லாதசமயத்தில் பெரிய பாதுகாப்புடன் எங்களைக் கோயிலுக்குள் அதிகாரிகள் அழைத்து வந்துள்ளனர். இது தொடர வேண்டும் என்றனர். மாவட்ட ஆட்சியாளர் ச.முனியநாதன் செய்தியாளர்களுக்கு அளித்த பேட்டியில் இன்றைக்கு என் தலைமையில் தலித் மக்களின் ஆலயப்பிரவேசம் மற்றும் வழிபாடும் நடந்துள்ளது. இதுதொடர்ந்து நடைபெறக் கண்காணிப்போம். கலவரம் செய்த முக்கியக் குற்றவாளிகள் மீது வழக்குத் தொடரப்படும். பலர், அறியாமையில் இருக்கின்றனர். அவர்களுக்கு அறிகூட்டுவோம் என்று கூறினார். இந்தக் கோயில் அறநிலையத்துறைக் கட்டுப்பாட்டுக்குள் கொண்டு வரப்படுமா என்று செய்தியாளர்கள் கேட்டதற்கு, அதற்கான முயற்சிகளைச் செய்வோம் என்றார் மாவட்ட ஆட்சியர்.தலித் மக்களுக்கு வாழ்த்துகோயில் வழிபாடு செய்து வந்த தலித் மக்களை சிபிஎம் தலைவர்கள் காலனிப் பகுதியில் காத்திருந்து வரவேற்றனர். பக்கிரிசாமி தலைமையில் நடைபெற்ற கூட்டத்தில் நாகை சட்டமன்ற உறுப்பினர் வி.மாரிமுத்து, சிபிஎம் மாவட்டச் செயலாளர் ஏ.வி.முருகையன், தீண்டாமை ஒழிப்பு முன்னணி மாவட்ட ஒருங்கிணைப்பாளர் நாகை மாலி, மாவட்டச் செயற்குழு உறுப்பினர்கள் வி.சுப்பிரமணியன், கோவை. சுப்பிரமணியன் ஆகியோர் தலித் மக்களுக்கு வாழ்த்துக்கூறி உரையாற்றினர்.

தலித்-பழங்குடி மக்கள் உரிமைப் பேரணி கோட்டை நோக்கி பல்லாயிரக்கணக்கானோர் எழுச்சிமிகு அணிவகுப்பு

தமிழகத்தில் சமத்துவ அமைதிக் கான போராட்டம் தொடரும் என்று அகில இந்திய விவசாயிகள் சங்கத்தின் பொதுச் செயலாளர் கே.வரதராசன் கூறினார்.
தமிழ்நாடு தீண்டாமை ஒழிப்பு முன் னணி சார்பில் தலித் - பழங்குடி மக்க ளின் உரிமைப் பேரணி அக்டோபர் 27 அன்று சென்னையில் நடைபெற்றது. மன்றோ சிலை அருகே துவங்கிய பேர ணிக்கு அகில இந்திய விவசாயிகள் சங் கத்தின் பொதுச் செயலாளர் கே.வரத ராசன், மார்க்சிஸ்ட் கம்யூனிஸ்ட் கட்சி யின் மாநிலச் செயலாளர் என்.வரத ராஜன் ஆகியோர் தலைமை தாங்கினர்.
தமிழகம் முழுவதுமிருந்து பல்லாயி ரக்கணக்கான மக்கள் பேரணியில் கலந்து கொண்டனர். தாரை, தப் பட்டை, டிரம்ஸ் முழங்க பேரணியை சிஐடியு மாநிலப் பொதுச் செயலாளர் அ.சவுந்தரராசன், மலைவாழ் மக்கள் சங்க பொதுச்செயலாளர் பெ.சண் முகம், அருந்தமிழர் விடுதலை இயக்க மாநில அமைப்பாளர் கு.ஜக்கையன் ஆகியோர் துவக்கி வைத் தனர்.
பல்வேறு தலித்-பழங்குடியின அமைப்புகள் தங்களது கொடிகளு டன், வாழ்வின் விடுதலையை எதிர் நோக்கி கோரிக்கைகளை முழங்கிய படி அணிவகுத்தனர்.
தீண்டாமை ஒழிப்பு முன்னணி அமைப்பாளர் பி.சம்பத், சிபிஎம் மத் தியக்குழு உறுப்பினர்கள் உ.ரா.வரத ராசன், ஜி.ராமகிருஷ்ணன், தமிழ்நாடு மலைவாழ் மக்கள் சங்கத்தின் பொதுச் செயலாளர் பெ.சண்முகம், சிபிஎம் மாநில செயற்குழு உறுப்பினர் என். சீனிவாசன், மாநிலக்குழு உறுப் பினர்கள், சிபிஎம் சட்டமன்ற கட்சித் தலைவர் கே.பாலபாரதி, எஸ்.கே.மகேந் திரன் எம்எல்ஏ, ஊரக வளர்ச்சி உள் ளாட்சித்துறை ஊழியர் சங்க பொதுச் செயலாளர் கே.ஆர்.கணேசன், டி.கே. சண் முகம், க.பீம் ராவ் மற்றும் தலித், பழங் குடியின அமைப்புகளின் தலைவர்கள் பேரணியின் முகப்பில் அணி வகுத்தனர்.
முதலமைச்சருடன் சந்திப்பு
கே.வரதராசன், என்.வரதராஜன் தலைமையிலான 10 பேர் கொண்ட குழு தலைமை செயலகத்தில் முதலமைச் சரை சந்தித்து கோரிக்கை மனுவை அளித்தது.
பேரணியின் நிறைவாக சேப்பாக் கத்தில் நடைபெற்ற பொதுக்கூட்டத்தில் கே.வரதராசன் பேசியது வருமாறு:
தமிழகத்தில் தீண்டாமை ஒழிப்பு முன்னணி சார்பில் நடைபெறும் போராட்டங்கள் இந்தியாவிற்கே வழி காட்டுவதாக உள்ளது. தீண்டாமை ஒழிப்புச் சட்டம் கொண்டு வந்து 60 ஆண்டுகளுக்கு பிறகும், பல பகுதிகளில் அமலாக்கப்படாமல் உள்ளது.
இடதுசாரிகளின் பெரும் போராட் டத்தால் வன உரிமை பாதுகாப்புச் சட் டம் கொண்டு வரப்பட்டது. தமிழகத் தில் 5லட்சம் பேர் வனத்தில் உள்ளனர். ஆனால் 8ஆயிரம் பேரிடமிருந்து மட் டுமே அதிகாரிகள் மனுக்களை பெற் றுள்ளனர். இந்தச் சட்டத்தை அம லாக்க மாவட்ட அளவில் கமிட்டி கூட அமைக்காமல் உள்ளனர். இன்றைக்கும் சாதிச்சான்றிதழ் கேட்டு போராடும் நிலை தான் நீடிக்கிறது. சட்டங்கள் காகி தத் தில் இருந்து பயனில்லை. அமல்படுத்த வேண்டும்.
தலித் மக்களுக்கு ஆதரவாக அனைத்து ஜனநாயக சக்திகளையும் இணைத்துப் போராடும் நிலைமையை மார்க்சிஸ்ட் கட்சி உருவாக்கி உள்ளது. கம்யூனிஸ்ட்டுகள் ஆலய நுழைவுப் போராட்டம் என்ற பெயரால் கிரா மத்தின் அமைதியை சீர்குலைத்து வரு கிறார்கள் என்று கூறுகிறார்கள்.
ஆதிக்க சக்திகளுக்கு அடங்கிச் சென்றாலும் அமைதி நிலவும், அது மயான அமைதி. சம உரிமையோடு இருந்தா லும் அமைதி நிலவும், அது சமத்துவ அமைதி. நாங்கள் சமத்துவ அமைதியை விரும்பு கிறோம். அதற்காக போராடுகிறோம்.
எங்கெல்லாம் அநியாயம் நடக் கிறதோ அங்கெல்லாம் தீண்டாமை ஒழிப்பு முன்னணி போராடும். அதற்கு பக்கபலமாக மார்க்சிஸ்ட் கட்சி இருக் கும். பகுத்தறிவு பாசறை வழி வந்தவர்கள் ஆளும் இடத்தில் தலித் உரிமைகள் மதிக்கப்படாமல் உள்ளது. உரிமைகள் மதிக்கப்படும் வரை தொய்வின்றி போராட்டம் தொடரும்.
இவ்வாறு அவர் பேசினார்.
கூட்டத்தில் அனைத்திந்திய ஜன நாயக மாதர் சங்கத்தின் மாநில பொதுச் செயலாளர் உ.வாசுகி, டாக்டர் அம் பேத்கர் பேரவை தலைவர் சி.நிக்கோ லஸ், அருந்ததியர் மகாசபை தலைவர் எம்.மரியதாஸ், ஆதி தமிழர் விடுதலை முன்னணி அமைப்பாளர் ரவிக்குமார், புரட்சிப் புலிகள் இயக்க அமைப்பாளர் எஸ்.கே.பழனிச்சாமி, அருந்ததியர் ஜனநாயக முன்னணி பொதுச் செயலா ளர் எம்.கவுதமன், அருந்ததியர் விடு தலை முன்னணி தலைவர் தயாளன், தீண்டாமை ஒழிப்பு முன்னணியின் வட சென்னை மாவட்ட அமைப்பாளர் ஆர். nஜயராமன், தென்சென்னை மாவட்ட அமைப்பாளர் ஆர்.கிருஷ்ணமூர்த்தி உள்ளிட்டோர் பேசினர். பேரணியில் பங்கேற்ற அனைவருக்கும் தீண்டாமை ஒழிப்பு முன்னணி அமைப்பாளர் பி.சம்பத் நன்றி தெரிவித்துள்ளார்.

செவ்வாய், 27 அக்டோபர், 2009

அருந்ததியர்களின் நிலை இதுதான்

அருந்ததியர்களில் 0.16 சதவிகிதம்தான் பத்தாம் வகுப்பைத் தாண்டியவர்கள்!

தமிழகத்திலுள்ள துப்புரவுத் தொழிலாளர்களில் 95 சதவிகிதம் பேர் அருந்ததியர் சமூகத்தைச் சேர்ந்தவர்களாவர். அதிலும் 33 சதவிகிதம் பெண்கள்தான்.

இந்த சமூகத்தைச் சேர்ந்தவர்களில் பெரும்பாலானவர்கள் மற்ற சாதியினரின் தயவில்தான் வாழ்க்கையை ஓட்டுகின்றனர்.

பத்து சதவிகித அருந்ததியர்கள் கையில்தான் சிறிய அளவிலாவது நிலம் உள்ளது. கல்வி ரீதியாகவும் இந்த சமூகத்தினர் மிகவும் பின்தங்கியவர்களாக உள்ளனர்.

கிராமப்புற பெண்கள் மேம்பாட்டு அமைப்பு என்ற தொண்டு நிறுவனம் அளிக்கும் புள்ளிவிபரங்களின்படி, அருந்ததியர் சமூகத்தைச் சேர்ந்தவர்களில் 1.75 சதவிகிதம் பேர் மட்டுமே எழுத்தறிவு பெற்றவர்களாக உள்ளனர். 0.16 சதவிகித அருந்ததியர்கள் மட்டுமே பத்தாம் வகுப்பைத் தாண்டியுள்ளனர். இந்த சமூகத்தைச் சேர்ந்த பெரும்பாலான கிராமப்புற சிறுவர்கள் வயல்களில் கொத்தடிமைகளாக வேலை செய்கிறார்கள். நகர்ப்புறங்களில் ஓட்டல்கள் போன்றவற்றில் கூலி வேலைகள் செய்பவர்களாகவும் உள்ளனர்.

ஒருவேளை, பத்தாம் வகுப்பை முடித்து விட்டாலும் மேற்கொண்டு படிப்பதற்கு போதிய பொருளாதார வசதி அவர்களிடம் பெரும்பாலும் இருப்பதில்லை.

மார்க்சிஸ்ட் கம்யூனிஸ்ட் கட்சி மற்றும் பல்வேறு அருந்ததிய அமைப்புகளின் வலுவான இயக்கத்தால் இந்த சமூகத்தினருக்கு கல்வி மற்றும் வேலைவாய்ப்பில் மூன்று சதவிகித உள்ஒதுக்கீடு கிடைத்துள்ளது. இதை முறையாக நடைமுறைப்படுத்தக்கோரும் மக்களின் எழுச்சிக்குரல்கள் கோட்டையின் கதவுகளைத் தட்டப்போகின்றன.

திங்கள், 26 அக்டோபர், 2009

2009-ஆம் ஆண்டில், மார்க்சிஸ்ட் கம்யூனிஸ்ட் கட்சியும் தீண்டாமை ஒழிப்பு முன்னணியும் இணைந்து நடத்திய போராட்டங்கள்



சென்னை
துப்புரவு பணியாளர்களுக்கு சங்க அலுவலகம் ஒதுக்குவதில் தலையீடு.

மதுரை



உத்தப்புரத்தில் காவல்துறையின் அத்துமீறலுக்கு எதிரான போராட்டம், மாதர் சங்கம் மூலம் நீதிமன்ற வழக்கு தொடர்ந்து நிவாரணம் பெறுவதில் வெற்றி. கோயிலில் பூஜை செய்யும் உரிமை, பேருந்து நிறுத்த நிழற்குடை உள்ளிட்ட பிற கோரிக்கைகளுக்கான போராட்டம் தொடர்கிறது.

கோவை
அருந்ததியர் மக்கள் குடியிருப்பு பகுதி மிகவும் சேதம் அடைந்ததை சரி செய்து தரும்படி போராட்டம் நடத்தப்பட்டது. பெரிய நாயக்கன்பாளையம் ஒன்றியம் வரப்பாளையம் மற்றும் இராமநாதபுரம் கிராமங்களில் உள்ள பொது மயானத்தில் தலித், அருந்ததியினர் மக்கள் சவ அடக்கம் செய்ய அனுமதி மறுக்கப்படுவதைக் கண்டித்து சாலை மறியல்.

திருச்சி
மணப்பாறை, கோட்டூர் பகுதியில் தலித் மக்களின் மயானப் பாதை மற்றும் இதர உரிமைகளுக்கான போராட்டம்.

திருப்பூர்
அவிநாசி பகுதியில் அருந்ததியர் வாழ்வுரிமை மாநாடு. திருப்பூரில் தீண்டாமை ஒழிப்பு பயிற்சி முகாம் நடத்தப்பட்டது.

தஞ்சாவூர்
தலித் மக்களை இழிவுபடுத்தியும் அவதூறு செய்தும் ஆதிக்க சாதி அமைப்பு நடத்திய பிரச்சாரத்தை எதிர்த்து கண்டன ஆர்ப்பாட்டம்.

சிவகங்கை
தலித் மக்கள் மீதான வன்கொடுமைகளை எதிர்த்துபல தலையீடுகள் செய்யப்பட்டுள்ளன.

புதுக்கோட்டை
தலித் மக்களுக்கு மயான உரிமை, மயான உரிமை கோரி போராட்டம் நடந்தது. பல வன்கொடுமைகளுக்கு எதிராக தலையீடுகள் செய்யப்பட்டுள்ளன.

விருதுநகர்
அருந்ததியர் உள் ஒதுக்கீடு வெற்றி பெற்றதை வரவேற்று சிறப்பு மாநாடு, நத்தம்பட்டி தலித் மக்களுக்கான சமுதாயக் கூடம் மற்றும் நிலப்பட்டா ரத்து செய்யப்பட்டதை எதிர்த்து ஆர்ப்பாட்டம்.

காஞ்சிபுரம்
16 கிராமங்களில் தீண்டாமை வடிவம் குறித்து ஆய்வு நடத்தப்பட்டு மாவட்ட ஆட்சியரிடம் மனு அளிக்கப்பட்டது.

நாகை
கோயிலில் ஆலய நுழைவுப் போராட்டம். வாட்டாக்குடி மயானம் அமைப்பதற்கான போராட்டம்.

கடலூர்
கடலூர் மாவட்டம்நல்லாத்தூர் ஆலய நுழைவு போராட்டம். விருத்தாசலம் பகுதி மயான இட ஆக்கிரமிப்பை அகற்றுவதற்கான இயக்கம். சாதி மறுப்பு திருமணத்தை ஒட்டிய வன்கொடுமையை கண்டித்து போராட்டம்.

கிருஷ்ணகிரி
கல்கேரி ஆலய நுழைவு போராட்டம் வெற்றி பெற்றதையொட்டி தலித்துகள் மீது வன்கொடுமைகள் நடந்தன. அவற்றைக் கண்டித்து போராட்டம்.

விழுப்புரம்
திருக்கோவிலூர் வட்டம் காங்கியனூர் கிராமத்தில் உள்ள பொது கோவிலான திரௌபதி அம்மன் கோவிலில் தலித்துகள் வழிபட அனுமதி மறுப்பதைக் கண்டித்து ஆலய நுழைவுப்போராட்டம். திருவண்ணை நல்லூர் குளத்தில் குளிக்கும் போராட்டம். சங்கராபுரம் ஆலய நுழைவு போராட்டம். தலித் மக்களுக்கு முடிவெட்ட மறுத்ததை எதிர்த்து போராட்டம்.

நெல்லை
பந்தப்புளி ஆலய நுழைவு போராட்டம். சிவந்திபட்டி தலித் பகுதியில் பேருந்து நிறுத்தம் கோரி போராட்டம்.

இராமநாதபுரம்
தலித் இளைஞனை ஆதிக்க சக்திகள் குரல்வளையை நெரித்து பாதிப்பு ஏற்படுத்தியதைக் கண்டித்து போராட்டம்.

திருவண்ணாமலை
தாமரைப்பாக்கம் ஆலய நுழைவு போராட்ட வெற்றிக்குப்பிறகு தலித் மக்களும் இதர பகுதி மக்களும் இணைந்து ரேசன் பொருட்கள் வழங்கக் கோரி போராட்டம்.

வேலூர்
தலித் மக்களுக்கான நடைபாதையை வேலி போட்டு மறைத்ததை அகற்றக்கோரி போராட்டம். தலித் மாணவர் பொதுப்பானையில் தண்ணீர் குடித்ததால் ஆசிரியர் தாக்கியதைக் கண்டித்து போராட்டம்.

திண்டுக்கல்
இருளக்குடும்பன்பட்டியில் அருந்ததியர் மக்களுக்கு சுடுகாட்டுப் பாதைக்காக நடத்திய போராட்டம்.

சென்னை கோட்டை நோக்கி தலித்- பழங்குடி மக்கள் நாளை உரிமைப் பேரணி

சென்னை கோட்டை நோக்கி தலித்- பழங்குடி மக்கள் நாளை உரிமைப் பேரணி
சென்னை, அக். 25 -தமிழ்நாடு தீண்டாமை ஒழிப்பு முன்னணியின் சார்பில், தலித்- பழங்குடி மக்களின் உரிமைப் பேரணி, சென்னை கோட்டை நோக்கி அக்டோபர் 27- செவ்வாயன்று நடைபெற உள்ளது. மன்றோ சிலையிலிருந்து காலை 10 மணியளவில் பேரணி புறப்படுகிறது. நிறைவாக சேப்பாக்கம் விருந்தினர் மாளிகை அருகில் கூட்டம் நடைபெறுகிறது.பேரணி மற்றும் கூட்டத்தில், அகில இந்திய விவசாயிகள் சங்கத்தின் பொதுச்செயலாளர் கே.வரதராசன், மார்க்சிஸ்ட் கம்யூனிஸ்ட் கட்சியின் மாநிலச் செயலாளர் என்.வரதராஜன் மற்றும் சிஐடியு மாநில பொதுச்செயலாளர் அ.சவுந்தரராசன், தீண்டாமை ஒழிப்பு முன்னணியின் மாநில அமைப்பாளர் பி.சம்பத், தமிழ்நாடு மலைவாழ் மக்கள் சங்க பொதுச் செயலாளர் பெ.சண்முகம், சிபிஎம் சட்டமன்றக்குழுத் தலை வர் கே.பாலபாரதி, பெரம்பூர் தொகுதி சட்டமன்ற உறுப்பினர் கே.மகேந்திரன், ஆதித் தமிழர் பேரவை நிறுவனர் இரா. அதியமான், அருந்தமிழர் விடுதலை இயக்க மாநில அமைப் பாளர் கு.ஜக்கையன், ஊரக வளர்ச்சி உள்ளாட்சித் துறை ஊழியர் சங்க பொதுச்செயலாளர் கே.ஆர்.கணேசன், டாக்டர் அம்பேத்கர் பேரவை தலைவர் சி.நிக்கோலஸ், அருந்த தியர் மகாசபைத் தலைவர் எம்.மரியதாஸ், “களம்” அமைப்பாளர் பரதன், ஆதித் தமிழர் விடுதலை முன்னணி அமைப்பாளர் கோவை ரவிக்குமார், தமிழ்நாடு ஆதி ஆந்திரா அருந்ததியர் மகாசபைத் தலைவர் கே.ஆர்.நாகராஜன், அம்பேத்கர் கிராம மக்கள் மனித உரிமை இயக்கத் தலைவர் சுப்பு, புரட்சிப் புலிகள் இயக்க அமைப்பாளர் எஸ்.கே.பழனிச்சாமி, நவஜீவன் டிரஸ்ட் இயக்குநர் நளன், அருந்ததியர் ஜனநாயக முன்னணி பொதுச்செயலாளர் எம்.கௌதமன், அருந்ததியர் விடுதலை முன்னணி தலைவர் தண்டபாணி, தமிழ்நாடு வெட்டியான்கள் சங்கத் தலைவர் எஸ். ரங்கசாமி, மாநில ஆலோசகர் எஸ்.எஸ்.மாயமலை, தீண்டாமை ஒழிப்பு முன்னணி தென்சென்னை மாவட்ட அமைப்பாளர் எஸ். செல்லையா, முன்னணியின் வடசென்னை மாவட்ட அமைப்பாளரும், திருவொற்றியூர் நகர்மன்றத் தலைவருமான ஆர்.ஜெயராமன் உள்ளிட்ட தலைவர்கள் பங்கேற்கின்றனர்.கோரிக்கைகள்மக்கள் தொகைக்கு ஏற்ப, தலித் மக்களுக்கான இடஒதுக்கீட்டை 18 சதவீதத்திலிருந்து 19 சதவீதமாக உயர்த்த வேண்டும்; பாதாளச் சாக்கடைகளை அகற்ற, மனிதர்களை பயன்படுத்தாமல், நவீன கருவிகளைப் பயன்படுத்துவதற்கான அரசாணை வெளியிட வேண்டும்; வெட்டியான்களை மயான உதவியாளர்கள் என பெயர் மாற்றம் செய்து, உள்ளாட்சி ஊழியராக்க வேண்டும்; ஒண்டிவீரனுக்கு மணிமண்டபம் அமைக்க வேண்டும்; அரசுப் பணிகளில் தலித்- பழங்குடியினருக்கான பின்னடைவு காலியிடங்களை தாமதமின்றி நிரப்ப வேண்டும்; அவர்களுக்கான சிறப்பு உட்கூறு திட்டத்திற்கு மக்கள் தொகைக்கு ஏற்ப துறை வாரியாக நிதி ஒதுக்கி முழுமையாக செலவு செய்ய வேண்டும்; தலித் மக்களுக்கு ஒதுக்கப்பட்ட பழுத டைந்த குடியிருப்பு மற்றும் தொகுப்பு வீடுகளை பழுதுநீக்க வேண்டும்; தலித் மக்களுக்கு நிலம் மற்றும் குடிமனைப் பட்டாக்கள் வழங்க வேண்டும்; பஞ்சமி நிலங்களை மீட்டுக்கொடுக்க வேண்டும்; பழங்குடி மக்க ளுக்கான வன உரிமைச் சட்டத்தைச் செயல்படுத்த வேண்டும்; ஆலயங்களில் தலித்துக்களுக்கான உரிமையை நிலைநாட்ட வேண்டும்; வன்கொடுமைச் தடுப்புச் சட்டத்தை உறுதியாக அமல்படுத்த வேண் டும்; விடுபட்ட அருந்ததியர் பிரிவினரையும் உள்ஒதுக் கீட்டிற்கு கொண்டுவந்து அதன் அளவை உயர்த்த வேண்டும் என்பன உள்ளிட்ட கோரிக்கைகளை வலியுறுத்தி இந்த உரிமைப் பேரணி நடைபெறுகிறது.